Modal-bómullar trifold

Mjúkt og teygjanlegt trifold innlegg úr tveimur lögum af modal- og bómullarblöndu. Sama efnið og í smellu-preflat bleyjunum frá Little Butt Kind.

Trifoldin eru þunn en rakadræg og henta sérlega vel til að bústa hvers kyns bleyjur. Einnig mjög sniðugt að nota sem bleyju á nýbura og þá brjóta þá eins og um prefold væri að ræða. Til að mynda er hægt að brjóta í einfalt Jo-fold og nota með bleyjufestingu eða jafnvel brjóta bara í pad fold og leggja inn í skel. Þegar barnið stækkar er trifoldið síðan notað áfram á barnið en þá í formi bústers. Við elskum þegar sama varan getur fylgt barninu allt bleyjutímabilið án þess að það þýði að bleyjan sé of stór í byrjun eða of lítil í lokin. 

Stærðir

Trifold innleggið er um 40x33 cm en kemur til með að minnka aðeins við fyrsta þvott. 

Notkun

☑ Rakadrægt innra lag 

☐ Vatnsfráhrindandi ytra lag

Þessi vara er innra lag bleyjunnar sem er rakadrægt og er hægt að nota sem nýburableyju (eins og prefold) en þá þarf að nota skel yfir. Einnig er hægt að nota trifoldið sem innlegg í bleyju, til dæmis til að bústa flat, preflat eða fitted bleyju. Einnig tilvalið að nota í all in two skel eða vasableyju.

Þvottur

Hversdaglegur þvottur á 40-60° og má þurrka í þurrkara. Þó er mælt með að þurrka á snúru enda eru preflat bleyjur sérlega fljótar að þorna og modal efni mun hnökra ef það er sett reglulega í þurrkara. 

Efni

Trifoldið er tveggja laga og úr 50% modal og 50% bómull.. Efnið er mjúkt viðkomu og fer afskaplega vel með viðkvæma húð. Gera má ráð fyrir að með tímanum geti myndast hnökrar á modal efni.

Modal er hálfmanngert efni sem gert er úr náttúrulegum hráefnum en unnið á tæknilegan hátt til að fá fram góða eiginleika í efninu. Mikil áhersla er lögð á hringrás í framleiðsluferlinu þannig að vatn og efni eru notuð aftur og aftur en ekki bara einu sinni og efnum er heldur ekki sleppt út í náttúruna. Gera má ráð fyrir um 10-20 sinnum minna vatni í framleiðslu á modal efni samanborið við hefðbundna bómullarframleiðslu. 

Efnin í bleyjunni eru með OEKO-TEX® vottun. 

Framleiðsla 

Little Butt Kind er nýsjálenskt taubleyjufyrirtæki, rekið af Pippa og fjölskyldunni hennar. Vörurnar sem Pippa hannar fyrir Little Butt Kind eru framleiddar í nánu samstarfi við Little Yellow Bird sem leggur mikla áherslu á sjálfbærni, gæði og siðferði í öllu sem við kemur framleiðsluferlum.