Hemp- og bómullar búster

Þunnur búster frá Pisi sem hægt er að bæta í hvaða bleyju sem er án þess að gera hana fyrirferðarmikla. 

 

Stærðir

Bústerinn er um 32x11 cm og gæti minnkað um allt að 8% eftir fyrsta þvott. 

 

Notkun

☑ Rakadrægt innra lag 

☐ Vatnsfráhrindandi ytra lag

Þessi vara er hluti af innra lagi bleyjunnar sem er rakadrægt og er notað með öðru rakadrægu efni. Búster er gerður til að auka við rakadrægni og gæti hentað vel til dæmis í næturbleyjur eða dagbleyjur sem þurfa að endast í tiltölulega langan tíma, til dæmis yfir lúr í lengri kantinum. 

 

Þvottur

Má þvo á allt að 60° og þurrka á lágum hita í þurrkara. Þó ber að nefna að bústerinn er þunnur og sem slíkur er hann sérlega snöggur að þora á snúru, ætti aðeins að taka nokkrar klukkustundir jafnvel á köldum vetrardegi. Þunnar bleyjur hreinsast almennt mjög vel í þvotti og sumir telja að þunnar bleyjur bjóði upp á besta hreinlætið í úrvali taubleyja. 

Bleyjur úr náttúrulegum efnum þarf að þvo nokkrum sinnum til að fjarlægja náttúrulegar olíur úr efninu og ná þannig upp rakadrægni efnisins. Þetta á einnig við um bústerinn. 

Efni

Bústerinn er gerður úr 55% hampi og 45% bómull. Efnið er 350 GSM. 

Hjá Pisi er mikið lagt upp úr að velja efni af miklum gæðum, bæði með tilliti til endingar en ekki síður uppruna efnisins og við hvaða aðstæður það er framleitt. 

Framleiðsla

Vörurnar frá Pisi eru framleiddar í heimalandinu Eistlandi af eigandanum sjálfum og einnig í samvinnu við hæfileikaríka saumakonu. Saman færa þær okkur handverksvörurnar frá Pisi.