Bómullar-terry preflat bleyja

Mjúk og teygjanleg preflat bleyja úr tveimur lögum af bómullarefnum. Innra efnið er bómullar-terry efni og ytra er sléttofið bómullarefni. Mjög rakadræg og góð preflat bleyja. 

Stærðir

One-size stærðin af preflat bleyjum frá Little Butt Kind er nokkuð stór og ætti bleyjan því að geta fylgt barninu frá um 5 kg og þar til bleyjutímabilinu lýkur. Hægt er að nota one-size preflat bleyjurnar frá fæðingu en gera má ráð fyrir að þær yrðu í stærri kantinum fyrst um sinn. Stærðir eru ávallt til viðmiðunar þar sem börn eru ólík að líkamsgerð. 

Notkun

☑ Rakadrægt innra lag 

☐ Vatnsfráhrindandi ytra lag

Þessi vara er innra lag bleyjunnar sem er rakadrægt og er notað með öðru ytra lagi sem er vatnsverjandi lag, til dæmis bleyjubuxum eða skel úr ull eða annarri tegund af skel. 

Þvottur

Hversdaglegur þvottur á 40-60° og má þurrka í þurrkara. Þó er mælt með að þurrka á snúru enda eru preflat bleyjur sérlega fljótar að þorna. Þvo má bleyjuna á 90° endrum og sinnum til þess að sótthreinsa/djúphreinsa hana. Þar sem bleyjan er úr náttúrulegum efnum kemur hún til með að minnka aðeins í fyrstu þvottum. 

Efni

Preflat bleyjan er úr tveimur lögum af efni. Innra lagið er terry-efni úr lífrænni bómull og ytra lagið er sléttofið efni úr 95% bómull og 5% lycra. Efnið er vel teygjanlegt og auðvelt að móta bleyjuna að barninu. 

Framleiðsla

Little Butt Kind er nýsjálenskt taubleyjufyrirtæki, rekið af Pippa og fjölskyldunni hennar. Vörurnar sem Pippa hannar fyrir Little Butt Kind eru framleiddar í nánu samstarfi við Little Yellow Bird sem leggur mikla áherslu á sjálfbærni, gæði og siðferði í öllu sem við kemur framleiðsluferlum.