Luxe skjóða

Skjóða frá Eco Mini úr tvöföldu PUL efni með einum rennilás og hanka. Skjóðan er í þríhyrndu formi þannig að hún stendur á botninum. Mjög góð stærð fyrir ýmiss konar snyrtivörur og aðra smærri hluti. 

Stærðir

Luxe skjóðurnar frá Eco Mini eru 30 cm á lengd, 15 cm á hæð og botninn er 7 cm djúpur. 

Notkun

Við erum rosalega ánægð með Luxe skjóðuna, stærðin hentar svo vel undir alls konar smærri hluti. Dæmi um notkun er til að mynda sem snyrtiveski, skjóða undir rakvél og fylgihluti, poki fyrir tannbursta, tannkrem og þess háttar, skjóða til að geyma tíðavörur eða fyrir blaut sundföt. Hentar einnig mjög vel fyrir nesti og snarl fyrir barnið á ferðinni, en í pokann kæmist í t.d. flest matartengt fyrir lítið barn eins og peli/glas, nokkrar skvísur, skeið, smekkur, lítið snarl og þá er mjög nytsamlegt að skjóðan er vatnsheld og því þarf ekki að hafa áhyggjur ef eitthvað lekur eða sullast í skjóðunni. 

Blautpokar eru til margs nytsamlegir og tilvalið að nota í stað einnota poka. Blautpokar og -skjóður eru gerð úr PUL efni sem gerir pokann vatnsheldan. Þegar fólk kynnist blautpokum verður það oft mjög hrifið af þessari lausn og kýs í framhaldinu að nota blautpoka undir allt mögulegt, til að mynda snyrtivörur, leikskólaföt, sunddót, nesti og fleira og fleira. 

Þvottur

Skellið pokanum á röngunni í þvott með bleyjum eða öðrum þvotti. Ekki er mælt með að þvo á hærra hitastigi en 60°. Notið ekki klór eða mýkingarefni. Þurrkið á snúru eða á lágum hita í þurrkara - en pokinn er fljótur að þorna svo það á að vera óþarft að nota þurrkara. Efnið í pokanum endist betur sé það þurrkað á snúru frekar en í þurrkara. 

Efni

Pokinn er úr tvöföldu lagi af hágæða PUL efni. Innra efnið er heillita og tónar við mynstrið í ytra efninu. PUL stendur fyrir Polyurethane Laminate og er í raun tveggja laga efni, ytra lagið er þunnt lag af pólýester og innra lagið er örþunn polyurethane filma sem býr til vatnsheldnina í efninu.

Varan er laus við skaðleg efni og málma, ásamt því að vera með SGS vottun og uppfyllir öryggisstaðla fyrir Evrópusambandssvæðið. 

Framleiðsla

Vörurnar frá Eco Mini eru framleiddar á ábyrgan hátt í Kína. Eco Mini starfar einungis með framleiðendum sem starfa samkvæmt stöðlum frá Fair Labor Association Workplace Code of Conduct og í samræmi við vinnumarkaðslög. Í þessu felst meðal annars að passað er upp á vinnutíma starfsfólks, að umhverfi og vinnustaður sé öruggur og að sanngjörn laun séu greidd. 

Eco Mini vinnur með fleiri en einum framleiðanda til að tryggja bestu gæði í efnum og vinnslu. Fyrirtækið notar ekki einnota plastumbúðir.