Bambus/bómullar innlegg með AWJ stay-dry

Fyrirferðalítið en rakadrægt innlegg með stay-dry lagi efst. Mjög þægilegt að nota inn í hvers kyns bleyju, ýmist til að auka rakadrægni eða bæta við stay-dry lagi - nú eða bæði!

Nánari lýsing

Innlegg með marga notkunarmöguleika og eitt af uppáhalds innleggjunum okkar því það er svo þægilegt til að bústa þunnar flat og preflat bleyjur og samtímis bæta við stay-dry, til dæmis hentar þetta mjög vel fyrir lengri lúra.

Innleggið er frekar þunnt þrátt fyrir 4 lög af bambus/bómullarblöndu og er með góða rakadrægni. Ofan á er Coolmax® athletic wicking jersey efni sem gefur stay-dry tilfinningu fyrir barnið. Innleggið er stundaglaslaga og þekur þannig stærri hluta af bleyjusvæðinu með stay-dry laginu. 

Stærðir

Innleggið kemur í einni stærð og er ca 34 cm að lengd og 18 cm á breidd (þar sem það er breiðast). 

Notkun

☑ Rakadrægt innra lag 

☐ Vatnsfráhrindandi ytra lag

Þessi vara er hluti af innra lagi bleyjunnar sem er rakadrægt. 

Innleggið hefur marga notkunarmöguleika. Frábært að nota næst húð barnsins inn í flat, preflat eða fitted bleyju til að auka rakadrægni og bæta við stay-dry lagi. Innleggið getur verið tilvalið fyrir þau sem kjósa að jafnaði náttúruleg efni en með undantekningu fyrir langa lúra eða nætursvefn þar sem leitast er eftir stay-dry tilfinningu fyrir barnið. Yfirborðsflötur innleggsins er drjúgur og innleggið dregur þannig hraðar í sig þegar pissað er mikið í einu. Á sama hátt grípur innleggið kúk og getur virkað sem nokkurs konar liner/renningur en þó með rakadrægni líka. Innleggið er hægt að nota inn í skeljar sem AI2 bleyju og einnig hægt að setja inn í vasableyju. 

Þvottur

Mælt er með stuttu köldu skoli eða forþvotti og síðan löngum aðalþvotti á 40-60°. Notið ekki klór eða mýkingarefni. Þurrkið á snúru eða á lágum hita í þurrkara. 

Efni

Innleggið er úr 4 lögum af blöndu úr 70% bambus viscose og 30% bómull. Stay-dry lagið er Coolmax® athletic wicking jersey efni sem gert er úr 100% pólýester. Bæði þessi efni eru mjög mjúk viðkomu. 

Varan er laus við skaðleg efni og málma, ásamt því að vera með SGS vottun og uppfyllir öryggisstaðla fyrir Evrópusambandssvæðið. 

Framleiðsla

Vörurnar frá Eco Mini eru framleiddar á ábyrgan hátt í Kína. Eco Mini starfar einungis með framleiðendum sem starfa samkvæmt stöðlum frá Fair Labor Association Workplace Code of Conduct og í samræmi við vinnumarkaðslög. Í þessu felst meðal annars að passað er upp á vinnutíma starfsfólks, að umhverfi og vinnustaður sé öruggur og að sanngjörn laun séu greidd. 

Eco Mini vinnur með fleiri en einum framleiðanda til að tryggja bestu gæði í efnum og vinnslu. Fyrirtækið notar ekki einnota plastumbúðir.