Skel úr PUL

Skel úr teygjanlegu PUL efni sem passar börnum u.þ.b. 4 - 16 kg. Hægt er að nota skelina nokkrum sinnum milli þvotta. 

Nánari lýsing

Eco Mini skelin er úr mjúku PUL efni sem teygist í báðar áttir og býður því upp á góðan teygjanleika. Skelin er með tvöföldum teygjum við læri en teygjurnar eru mjúkar og fóðraðar fyrir aukin þægindi barnsins. Einnig er einföld og fyrirferðalítil teygja við bakið. Við magann er PUL efnislengja að innanverðu til að koma í veg fyrir vætusmit út undan bleyjunni. Einnig er hægt að nota PUL efnislengjuna til að skorða innlegg og nota skelina þannig sem AI2 bleyju. Skelin er mjög rúmgóð og passar vel yfir næturbleyjur, til að mynda fitted bleyjuna frá Eco Mini. Skelin passar einnig mjög vel yfir flat og preflat bleyjur, en sumar aðrar skeljar henta síður vel yfir slíkar bleyjur þar sem skeljar ná stundum ekki að hylja vel vængina á preflat og flat bleyjum. 

Stærðir

Þessi skel kemur í one-size stærð og hentar börnum um það bil 4-16 kg. Hægt er að hæðarstilla bleyjuna úr fullri stærð og niður í þrjár minni stærðir, sem gera alls fjórar stærðir. 

Notkun

☐ Rakadrægt innra lag 

☑ Vatnsfráhrindandi ytra lag

Þessi vara er ytra lag bleyjunnar og notast því yfir innri hluta bleyjunnar sem er rakadrægur. Innra lagið getur verið til dæmis fitted bleyja, preflat bleyja eða flat bleyja. Einnig er hægt að leggja innlegg í bleyjuna og nota sem AI2 bleyju. 

Þvottur

Nota má skelina nokkrum sinnum milli þvotta, nema ef kúkur fer í hana.

Má þvo á 40-60°. Notið ekki klór eða mýkingarefni. Þurrkið á snúru eða á lágum hita í þurrkara - en skelin er mjög fljót að þorna sé hún hengd upp og hægt að lengja líftíma svo um munar með því að sleppa þurrkara.

Efni

Skelin frá Eco Mini er úr mjúku PUL efni sem teygist í allar áttir og formast því vel að barninu og gefur góðan slaka. PUL stendur fyrir Polyurethane Laminate og er í raun tveggja laga efni, ytra lagið er þunnt lag af pólýester og innra lagið er örþunn polyurethane filma sem býr til vatnsheldnina í efninu. Bæði efnin eru gerviefni og þar sem gerviefni losa örplast við þvott, þá er sérlega gott að kaupa slíkar skeljar sem nota má nokkrum sinnum milli þvotta eins og þessi skel býður upp á. 

Varan er laus við skaðleg efni og málma, ásamt því að vera með SGS vottun og uppfyllir öryggisstaðla fyrir Evrópusambandssvæðið.

Framleiðsla

Vörurnar frá Eco Mini eru framleiddar á ábyrgan hátt í Kína. Eco Mini starfar einungis með framleiðendum sem starfa samkvæmt stöðlum frá Fair Labor Association Workplace Code of Conduct og í samræmi við vinnumarkaðslög. Í þessu felst meðal annars að passað er upp á vinnutíma starfsfólks, að umhverfi og vinnustaður sé öruggur og að sanngjörn laun séu greidd. 

Eco Mini vinnur með fleiri en einum framleiðanda til að tryggja bestu gæði í efnum og vinnslu. Fyrirtækið notar ekki einnota plastumbúðir.