Skip to product information
1 of 9

Eco Mini

Bambus vasableyja

Bambus vasableyja

Regular price 4.390 ISK
Regular price 4.390 ISK Sale price 4.390 ISK
Sale Sold out
Tax included.
Litur

Þægileg og mjúk vasableyja sem kemur í fallegum heillitum og mynstrum og passar börnum u.þ.b. 4-16 kg. Silkimjúkt PUL efni sem gerir bleyjuna vatnshelda. Bleyjunni fylgir fjögurra laga innlegg úr mjúkri bambus- og bómullarblöndu. Innan í bleyjunni er sama mjúka bambus- og bómullarblandan og er bleyjan því ekki með stay-dry lag. Þessi bleyja býður því upp á að vera með náttúruleg efni upp við húð barnsins. Þetta hentar mörgum börnum vel og er sérstaklega hentugt við koppaþjálfun. 


Nánari lýsing

Vasableyjur eru algengasta gerð nútíma taubleyja. Skelin er gerð úr tveimur lögum, ytra lagið er mjúkt vatnshelt efni og innra lagið er þunnt efni sem hleypir vökva í gegnum sig en dregur líka í sig smá vökva og barnið finnur því fyrir vætutilfinningu. Við setjum innleggið inn um vasa aftan á bleyjunni þannig að það liggi á milli þessara tveggja laga og grípi vökvann. 


Stærðir

Vasableyjan kemur í one-size stærð og hentar börnum um það bil 4-16 kg. Hægt er að hæðarstilla bleyjuna úr fullri stærð og niður í þrjár minni stærðir, sem gera alls fjórar stærðir. 


Notkun

 Rakadrægt innra lag 

 Vatnsfráhrindandi ytra lag

Þessi vara felur í sér bæði rakadrægni og vatnsheldni, þar sem innleggið er rakadrægi hlutinn og skelin er vatnsfráhrindandi. Þessi bleyja ein og sér er því nóg og þarfnast ekki annarra hluta. 

Bleyjan hentar mjög vel sem dagbleyja og ef bætt er við auka búster getur hún dugað vel í langan lúr. Við mælum sérstaklega með mjúka hamp- og bómullarinnlegginu frá Eco Mini sem viðbótarinnlegg og þá gæti bleyjan dugað vel sem næturbleyja. 


Þvottur

Mælt er með stuttu köldu skoli eða forþvott og síðan löngum aðalþvotti á 40-60°. Takið innlegg innan úr bleyjunni. Notið ekki klór eða mýkingarefni. Þurrkið á snúru eða á lágum hita í þurrkara. 


Efni

Innleggið er úr 70% bambus viscose og 30% bómull.

Efnið innan í bleyjunni er úr sömu blöndunni og innleggið, þ.e. 70% bambus viscose og 30% bómull.

Ysta lag bleyjunnar er pólýester efni með þunnri PUL filmu innan á sem býður upp á góða vatnsheldni. Heillitu bleyjurnar eru úr endurunnu efni. 

Varan er laus við skaðleg efni og málma, ásamt því að vera með SGS vottun og uppfyllir öryggisstaðla fyrir Evrópusambandssvæðið. 


Framleiðsla

Vörurnar frá Eco Mini eru framleiddar á ábyrgan hátt í Kína. Eco Mini starfar einungis með framleiðendum sem starfa samkvæmt stöðlum frá Fair Labor Association Workplace Code of Conduct og í samræmi við vinnumarkaðslög. Í þessu felst meðal annars að passað er upp á vinnutíma starfsfólks, að umhverfi og vinnustaður sé öruggur og að sanngjörn laun séu greidd. 

Eco Mini vinnur með fleiri en einum framleiðanda til að tryggja bestu gæði í efnum og vinnslu. Fyrirtækið notar ekki einnota plastumbúðir.

View full details

Eitthvað óljóst?

Smellið hér fyrir einfaldar og aðgengilegar upplýsingar um ýmislegt tengt taubleyjum eins og þvott, efni og allt þetta lingó og skammstafanir!