Ullarbuxur / Bleyjubuxur

Mjúkar og góðar bleyjubuxur sem hægt er að nota beint yfir innri bleyju, til að mynda fitted eða preflat bleyju. Hlýjar buxur úr tvöfaldri merino ull og með þrjú lög á bleyjusvæðinu til að auka við vatnsfráhrindandi eiginleika. 

Æðislegur kostur á nóttunni og þá þarf aðeins að setja barnið í bol til viðbótar við buxurnar. Enn fremur góður kostur á daginn þegar barnið er á ferðinni því efnið er teygjanlegt og fellur vel að líkama barnsins. 

Stærðir

Stærðir eru ávallt til viðmiðunar þar sem börn eru ólík að líkamsgerð. 

Stærð 1  |  4-8 kg  | 56-68 cm 

Stærð 2  |  7-11 kg  |  74-86 cm 

Stærð 3  | 10-15 kg  |  86-98 cm 

Ef í vafa þá mælum við frekar með að taka stærri stærð frekar en minni, sér í lagi ef nota á bleyjubuxurnar yfir innri bleyju í stærri kantinum eins og næturbleyjur. 

Buxurnar eru með stroffi við ökkla og maga þar sem hægt er að brjóta upp á ef buxurnar eru í stærri kantinum. Þannig eiga buxurnar að passa barninu gegnum fleiri en eina fatastærð. 

Notkun

☐ Rakadrægt innra lag 

☑ Vatnsfráhrindandi ytra lag

Bleyjubuxur úr ull gegna sama hlutverki og aðrar skeljar, að vera vatnsfráhrindandi lag yfir rakadræga bleyju sem er undir. Rakadræga bleyjan getur til dæmis verið fitted bleyja, preflat bleyja eða flat bleyja. Fyrst er rakadræga bleyjan sett á barnið og það svo klædd í mjúkar ullarbuxurnar yfir. Til að ull virki sem vatnsfráhrindandi skel yfir bleyju er hún lögð í bleyti í lanólín. Nóg er að setja bleyjusvæðið á buxunum í lanólín ef fólk kýs að hafa ekki lanólín á öðrum hlutum þeirra. Mælt með að snúa buxunum á rönguna áður. 

Bleyjubuxurnar má gjarnan nota einar og sér þó að barnið sé ekki í bleyju undir. Einnig er hægt að nota þær yfir einnota bleyjur til að grípa leka frá þeim. 

Þvottur

Best er að handþvo ullina, en einnig má setja þessar bleyjubuxur frá Nulu á kaldan eða 30° ullarþvott í þvottavél. Notið milda sápu sem ætluð er til ullarþvotts. Smellið hér til að skoða leiðbeiningar fyrir ullarþvott og lanólínbað. 

Ótrúlegt en satt minnkar umfang þvotts ef notaðar eru ullarvörur. Ástæðan fyrir því er að í stað þess að þvo skeljar eftir hverja notkun, þá þarf að þvo ullina mun sjaldnar. Ekki þarf að þvo ullina þó svo að þvag berist í hana, á milli bleyjuskipta er nóg er að leggja ullarbuxur þannig að það lofti vel um þær og þá gufar rakinn upp. Þegar ullarbuxurnar eru farnar að halda síður vökva eða ef kúkur fer í þær, þá skal þvo þær. Ef lítill blettur fer í ullina er í góðu lagi að blettaþvo hana.

Efni

100% merino ull 

Öll efni sem notuð eru í þessa vöru eru 100% Oeko-Tex® vottaðar. 

Ullin er fengin á grimmdarlausan (e. cruelty-free) máta. Í því felst að aðferð sem á ensku kallast mulesing er ekki beitt á dýrin.

Framleiðsla 

Stofnandi Nulu hannar og saumar allar vörurnar sjálf en hún er staðsett í Eistlandi. Hún leggur ríka áherslu á að bjóða plastlausa valkosti í bleyjum fyrir ung börn.